Sen bolmasaň
Köňüldäki şatlygym,
Sen bolmasaň, bolmaýar.
Bu näzenin ýaşlygym,
Sen bolmasaň, bolmaýar.
Agşam-säher, guşlugam,
Ak säherde buşlugam,
Her gün gelýän guşlaram,
Sen gelmeseň, gelmeýär.
Sözläre ýokdur hakym,
Özüň bermeseň höküm,
Kalbymdakyny hiç kim,
Sen bilmeseň, bilmeýär.
Ýollaň sada-mekiri,
Akmaz durmuş akymy,
Ýaňagymyň çukury,
Sen gülmeseň, gülmeýär.
Hemmeler şat, ýogsa-da,
Sen nämüçin gelmeýäň.
Bagtyň özi gelse-de,
Sen bolmasaň, bolmaýar.