Säher oýlanmalary

Her näme diýseňem, adam hil-hil bolýar: biri bar – uçmak üçin ganat edinýär, başga biri bolsa ganaty ýassyk etmek üçin ütýär.

Agzymyzyň birligini biljek bolup, obamyzyň tamdyrlaryny sanap oturmaň. Her öýe bir tamdyrdyr. Aýallarymyz onuň sebäbini tamdyr odunyň känligi bilen düşündirýärler.

Tikeniň bolany gowy, ýogsa biz gülüň gadyryny bilmezdik.

Çagalygy bilen ýaşap bilýän adam bagtlydyr.

Unutma: demir ulanylman ýatsa, poslaýar.

Kiçi zady daga çykaranyň bilen beýgelmez.

Adamlary batyr bilen gorkaga däl, aýal bilen erkege  bölmek dogry bolsa gerek.

Siňek üçin ýolbarsyň ýüzem bir, sygryňkam.

One Reply to “Säher oýlanmalary”

  1. Her näme diÿseñem , ÿazyjy hem hil-hil bolÿar: käbirleri ÿazmak üçin ÿazÿar, käbirleri bolsa durnañ gözünden urmak üçin ÿazÿar…(Dowamlysy bolsyn)

Leave a Reply

Your email address will not be published. Required fields are marked *